O Ministro de Educación, Cultura e Deporte apostou esta tarde por promover “valores como o esforzo, o mérito, a satisfacción polo traballo ben feito, a autoesixencia, a responsabilidade e o respecto á figura do profesor ”como fundamentais para conseguir unha “nova mentalidade para o cambio educativo que o noso país necesita”.
José Ignacio Wert asegurou que a elección de Francisco López Rupérez como novo Presidente do Consello Escolar do Estado “é o fiel reflexo de que cremos firmemente neses valores e naqueles que os personalizan”.
O Ministro mostrouse convencido de que comezamos “unha etapa que esperemos sexa fundamental para o futuro da educación en España, e xa que logo, para o Consello Escolar”. Unha etapa en que, dixo, “debemos ser capaces de articular un sistema educativo de calidade que facilite aos nosos mozos incorporarse o mercado laboral con garantías. Un sistema educativo que xere empregabilidade”.
Por iso, Wert lembroulle ao novo Presidente do Consello Escolar do Estado as “liñas de actuación” en que traballa o Ministerio. Entre outras, a aprobación dun Estatuto do Docente, a maior autonomía dos centros, e a reforma da secundaria.
