• Bienvenido
• Benvingut
• Benvido
• Ongi etorri

• Mapa do sitio
• Contacte

A selección española de Formación Profesional logra 6 medallas en Euroskills 2010: 3 ouros, 2 pratas e un bronce

• Tamén se conseguiron 5 diplomas de excelencia

A selección española participante na Olimpíada de Formación Profesional Euroskills 2010, celebrada en Lisboa, volve a casa con 6 medallas: 3 de ouro, 2 de prata e un bronce, ademais de con 5 diplomas de excelencia. Case un 50% do equipo (formado por 18 mozos) entrou no palmarés, o que mostra o excelente nivel da Formación Profesional en España.

Obtivéronse as seguintes medallas:

• Pol Cámara, (As Canarias), medalla de ouro na especialidade de Deseño web e medalla de prata en equipo de Cross Medio Publishing.
• Miguel Cubillas (Principado de Asturias), medalla de ouro na especialidade de Carpintaría.
• Víctor Vera (Andalucía), medalla de ouro na especialidade Maquinista de control numérico da madeira.
• José Mª Puelles (Estremadura), medalla de bronce na especialidade de Ebanistaría.
• Miguel, Víctor e José Mª obtiveron tamén a medalla de prata en equipo de Woodcraft Technologies.

Ademais, obtiveron Diploma de Excelencia pola súa participación:

• Beatriz Ávila (Castela - A Mancha), na especialidade de Cociña e ao traballo en equipo de Cook&Serve.
• Christian Etter (Illes Balears), na especialidade de Servizo de Restaurante e ao traballo en equipo de Cook & Serve.
• Aarón Díaz (As Canarias), na especialidade de Control Industrial.

Euroskills celebrouse en Lisboa entre os días 9 e 11 de decembro reunindo a máis de 450 mozos de 27 países europeos para competir en máis de 40 especialidades profesionais.

Durante meses, a selección española para Euroskills preparouse co apoio do Ministerio de Educación e as Comunidades Autónomas. Baixo a coordinación de profesores e titores, desenvolveuse un programa de adestramento para as distintas especialidades profesionais, e reforzáronse os coñecementos de inglés dos participantes para competir nas mellores condicións.

O Ministerio de Educación e as Comunidades Autónomas van seguir traballando nesta dirección, apoiando a participación española en competicións internacionais de carácter formativo. Xa se está organizando SpainSkills 2011, competición nacional que terá lugar en Madrid en abril de 2011 e que seleccionará os mozos que nos representarán na próxima edición de WorldSkills en Londres en novembro de 2011. España aposta seriamente por participar nestas competicións e presentou a súa candidatura para a organización das Olimpíadas de Formación Profesional WorldSkill2015.