Consello de Ministros
O Consello de Ministros autorizou hoxe, a petición do ministro de Educación, Ángel Gabilondo, a sinatura dun convenio entre o Ministerio de Educación e dúas consellerías da Generalitat de Cataluña (a de Economía e Finanzas e a de Innovación, Universidades e Empresas). O convenio permitirá conceder un préstamo de 19,1 millóns de euros ás universidades catalás coordinadoras dos proxectos seleccionados na convocatoria Campus de Excelencia Internacional 2010.
Os proxectos que se beneficiarán deste convenio son os seguintes:
O obxectivo do programa Campus de Excelencia Internacional é promover a modernización da universidade española, situando os mellores campus entre os de máis prestixio internacional, axudando a mellorar a calidade da oferta e promovendo a eficacia docente mediante a especialización e os agregamentos estratéxicos das universidades con institucións, centros de investigación e empresas.
O procedemento consiste, basicamente, na selección dos proxectos máis axeitados de mellora dos campus presentados polas universidades españolas en convocatoria anual.
A convocatoria 2010 de Campus de Excelencia Internacional foi resolta o pasado 21 de outubro, e entre os proxectos seleccionados figuraban os anteriormente indicados. A normativa establece que o Ministerio de Educación asinará un convenio coa Comunidade Autónoma onde se encontren radicadas as universidades beneficiarias do programa, convenio mediante o cal se concede o préstamo á Comunidade Autónoma, que o reverte no financiamento dos proxectos. No caso de Cataluña, é o convenio que se aprobou hoxe.
Información sobre os proxectos CEI 2010 
