Consello de Ministros
O Consello de Ministros, a proposta do ministro de Educación, Ángel Gabilondo, aprobou hoxe un acordo que establece os criterios de distribución de 12 millóns de euros entre as Comunidades Autónomos destinados a aumentar as prazas e recursos das Escolas Oficiais de Idiomas.
En concreto, estes recursos están destinados ao programa "Inglés para mozos", creado no ano 2007, e que establece unha liña de cooperación entre o Goberno e as Comunidades Autónomas co fin de facilitar o acceso de máis estudantes ao estudo desta lingua estranxeira.
O Goberno estableceu os seguintes criterios de distribución:
• O 70% en función da poboación de idade entre 18 e 30 anos.
• O 30% en función do número de Escolas Oficiais de Idiomas e extensións de Escolas Oficiais de Idiomas en funcionamento en cada unha das Comunidades Autónomas.
A mellora do ensino de idiomas é unha das apostas do Ministerio de Educación, por iso durante os últimos anos fixose un esforzo económico para dotar ás Escolas Oficiais de Idiomas dos recursos financeiros necesarios para garantir o incremento de prazas. Así, desde o ano 2007 o programa "Inglés para mozos" contou cun investimento próximo aos 67 millóns de euros.
