Consello de Ministros
O Ministro de Educación presentou hoxe o Consello de Ministros dous informes que contemplan as liñas prioritarias de actuación para Ceuta e Melilla recollida no Plan de Acción 2010-2011 en materia educativa. O Goberno destinará 45 millóns de euros para a execución das medidas contempladas en ambas as dúas cidades autónomas.
O Plan de Acción 2010-2011 contempla medidas específicas como a creación de máis de 300 novas prazas (conxuntas para ambas as dúas cidades) no primeiro ciclo de educación infantil para favorecer a escolarización temperá; a promoción de plans de éxito escolar impulsando estratexias e accións integrais que permitan a mellora dos resultados dos alumnos; o incremento dos Programas de Apoio e Reforzo educativo (PROA); ou a extensión do programa Escola 2.0 a sexto de Primaria. O Plan de Acción pretende ser así un complemento e un reforzo dos programas Ceuta Educa e Melilla Educa que se están desenvolvendo na actualidade.
Os informes presentados hoxe desenvolven os obxectivos marcados na Lei Orgánica de Educación, impulsan novas medidas que permitan unha mellora dos sistemas educativos ceutí e melillés e demostran o compromiso do Goberno con Ceuta e Melilla, coas súas particularidades socioculturais e xeográficas.
O Goberno de España vén realizando esforzos importantes para mellorar a calidade dos sistemas educativos destas dúas cidades autónomas. Desde o ano 2005 éstánse levando a cabo actuacións concretas co fin de mellorar a súa dotación de infraestruturas, así como de reducir as porcentaxes de abandono escolar propio destes territorios.
