Un total de 3.575 auxiliares de conversación estranxeira incorpóranse hoxe a centros educativos españois de ensino primario e secundario e a Escolas Oficiais de Idiomas. No marco do Programa integral de aprendizaxe de linguas estranxeiras (2010-2020) o seu número de prazas aumentou de xeito substancial: no curso 1997-98 houbo nas aulas españolas 430 auxiliares.
Tamén o número de prazas para participantes españois experimentou un notable crecemento desde o curso escolar 1997-1998, en que se incorporaron 436 beneficiarios fronte aos 1.247 deste curso.
Durante un curso académico, os auxiliares adscribiranse a centros escolares en que desempeñarán funcións de axudantes de prácticas de conversación nas clases de idiomas, baixo a dirección dun profesor titular e cunha dedicación de entre doce e vinte horas semanais.
A iniciativa ten dous obxectivos xerais:
Os candidatos foron seleccionados mediante convocatoria pública do Ministerio de Educación. As convocatorias para auxiliares de conversación española e estranxeiros realízanse de acordo aos convenios bilaterais de cooperación cultural, científica e técnica asinada por España con Alemaña, Australia, Austria, Bélxica, Canadá, China, Estados Unidos, Francia, Holanda, Irlanda, Italia, Malta, Portugal, Reino Unido e Nova Zelandia. Estes son os países de orixe dos auxiliares de conversación destinada a España e que, en reciprocidade, acollen aos candidatos españois.
O Programa integral de aprendizaxe de linguas estranxeiras, presentado o pasado 1 de outubro ao Consello de Ministros, vai seguir incrementando o número de auxiliares de conversación estranxeira destinados a centros españois para o reforzo da práctica lingüística dos alumnos. A participación das Comunidades Autónomas no financiamento do programa a través de convenios de colaboración co Ministerio permitirá consolidar este incremento.
Este programa integral é un dos 11 novos programas que o Ministerio de Educación, canda as Comunidades Autónomas, vai pór en marcha para avanzar na consecución dos grandes obxectivos educativos do noso país na próxima década. É a primeira política pública neste campo que se deseña en España con carácter global. Os seus obxectivos abarcan todos os ámbitos e actores implicados e, polo tanto, serán desenvolvidos polas Administracións educativas no marco das súas respectivas competencias. Os seus destinatarios son os estudantes de todas as etapas educativas, o profesorado, os centros educativos, os asesores da rede de formación e as familias.
Así, increméntanse cuantitativa e cualitativamente as actividades de mellora do ensino de linguas xa desenvolvidas polo Ministerio de Educación en anos anteriores, ademais de propor outras de nova creación e reordenar globalmente as accións que o Goberno viña realizando. O programa de auxiliares de conversación será precisamente un dos eixes importantes para conseguir esa mellora.
