Consello de Ministros
O Consello de Ministros, a proposta do ministro de Educación, Ángel Gabilondo, aprobou hoxe cinco Reais Decretos que establecen a creación de oito novos títulos vinculados coas Ensinanzas Deportivas e fixan as súas ensinanzas mínimas e os requisitos de acceso aos mesmos.
En concreto son cinco novos títulos de Técnicos Deportivos e tres de Técnicos Deportivos Superiores vinculados ás modalidades de Mergullo Deportivo, Hípica e Vela.
Trátase das seguintes titulacións: Técnico Deportivo en Mergullo Deportivo con Escafandro Autónomo, Técnico Deportivo nas Disciplinas Hípicas de Salto, Doma e Concurso Completo, Técnico Deportivo Superior en Hípica, Técnico Deportivo nas Disciplinas Hípicas de Resistencia, Orientación e Turismo Ecuestre, Técnico Deportivo en Vela con Aparello Fixo, Técnico Deportivo Superior en Vela con Aparello Fixo, Técnico Deportivo en Vela con Aparello libre e Técnico Deportivo Superior en Vela con Aparello libre.
O Goberno pretende garantir así a axeitada preparación dos alumnos e alumnas para o desenvolvemento da actividade profesional no ámbito deportivo. A posta en marcha desta oferta específica segue desenvolvendo o que se establece na LOE de outorgar ás Ensinanzas Deportivas un tratamento similar ao do resto de ensinanzas ofertadas no sistema educativo.
Na actualidade a oferta formativa de Ensinanzas Deportivas cómpónse de 32 títulos, de que 18 corresponden a Técnicos Deportivos, e 14 a Técnicos Deportivos Superiores.
