O Goberno establece as equivalencias dos títulos dos docentes de ensinanzas de música e danza
09 de xullo de 2010
Consello de Ministros
O Consello de Ministros de hoxe, a proposta do ministro de Educación, Ángel Gabilondo, aprobou dous Reais Decretos orientados a protexer os dereitos adquiridos e a situación previa das persoas que teñen títulos e documentos oficiais cos que poden exercer a docencia nas ensinanzas de música e danza.
Para iso as novas normas establecen a súa equivalencia coas titulacións que permiten impartir as ensinanzas elementais e profesionais de música e danza segundo establece a Lei Orgánica de Educación. As principais modificacións introducidas son:
- Establécese as equivalencias dos documentos acreditativos dos estudos oficiais de danza anterior á implantación da LOXSE, só para a impartición da docencia das ensinanzas elementais e profesionais de danza.
- Decláranse equivalentes ás titulacións que a LOE establece para os efectos da impartición da docencia das ensinanzas elementais e profesionais de música en centros públicos e privados autorizados:
- O título de Profesor expedido ao abeiro do Decreto 2618/1966, do 10 de setembro.
- O Diploma de Cantante de Ópera, expedido ao abeiro do Decreto 313/1970, do 29 de xaneiro.
En calquera caso, para exercer a docencia será precisa contar coa formación pedagóxica e didáctica requirida.
