Consello de Ministros
O Consello de Ministros de hoxe, a proposta do ministro de Educación, Ángel Gabilondo, aprobou destinar 27,4 millóns de euros en axudas para a adquisición de libros de texto e material didáctico e informático en Andalucía no curso 2010-2011.
Estas axudas repartiranse entre aquelas familias que teñan mozos matriculados nos niveis de ensino obrigatorio, tanto de Primaria como de Secundaria, en centros da comunidade autónoma de Andalucía sostida con fondos públicos.
O obxectivo do convenio que establecerán as dúas administracións é optimizar o emprego dos recursos públicos destinados á concesión deste tipo de axudas e favorecer así a igualdade de oportunidades e a equidade da Educación.
A aposta pola política de axudas e bolsas do Goberno recóllese no Plan de Acción 2010-2011 presentado recentemente polo ministro de Educación, co obxecto de atender as necesidades do sistema educativo español.
