O Goberno aproba o carácter oficial de 34 graos, 142 mestrados e 164 doutoramentos
04 de xuño de 2010
O Consello de Ministros, a proposta do ministro de Educación, Ángel Gabilondo, aprobou a través de varios acordos o carácter oficial dos seguintes títulos universitarios:
- 27 títulos universitarios oficiais de grao de varias Universidades en catro ramas de coñecemento: Artes e Humanidades, Ciencias da Saúde, Ciencias Sociais e Xurídicas, e Enxeñaría e Arquitectura.
- 7 títulos universitarios oficiais de grao en Universidades da Igrexa católica en tres ramas de coñecemento: Ciencias da Saúde, Ciencias Sociais e Xurídicas, e Enxeñaría e Arquitectura.
- 142 títulos de máster (22 deles organizados conxuntamente por distintas universidades) en diversas ramas de coñecemento: Artes e humanidades, Ciencias, Ciencias da Saúde, Ciencias Sociais e Xurídicas, e Enxeñaría e Arquitectura.
- 164 programas de doutoramento (15 deles organizados conxuntamente por distintas universidades).
Co establecemento do carácter oficial de todos estes títulos continúa o proceso de implantación das titulacións previstas no Espazo Europeo de Educación Superior.
