O Ministerio de Educación entregou hoxe os premios Miguel Hernández 2009, que recoñecen a labor de institucións públicas ou privadas sen ánimo de lucro que contribúan a fomentar a aprendizaxe ao longo da vida. As gañadoras son entidades de Palencia, Madrid e Xixón, e houbo mencións honoríficas para institucións de Navarra e a Comunidade Valenciana.
Estes galardóns, que se convocan desde 1991, constan dun primeiro premio dotado con 36.500 euros, un segundo premio dotado con 24.250 euros e un terceiro dotado con 15.200 euros. O proxecto que queda en primeira posición preséntase ademais como candidatura oficial española aos Premios Internacionais de Alfabetización convocada pola UNESCO.
Este ano, a gañadora foi a Universidade Popular de Palencia Rei Alfonso VIII pola experiencia "25 anos da Universidade Popular de Palencia. Un espazo de educación e cultura", cuxo obxectivo é promover a participación social, a educación, a formación e a cultura para mellorar a calidade de vida das persoas e da comunidade.
O segundo premio recaeu na Asociación AFANIAS de Madrid polo proxecto "Inclured: inclusión de adultos con discapacidade en escolas de adultos". Está enfocado a mellorar a calidade de vida das persoas adultas con discapacidade intelectual mediante a súa participación en escolas de adultos onde se eliminen ao máximo as barreiras cognitivas.
O terceiro premio destinouse ao Centro de Iniciativas Solidariedade e Emprego - CISE, de Xixón, polo seu "Programa de alfabetización básica e manexo das tecnoloxías da información no Centro Penitenciario de Villabona. Entre os seus obxectivos encóntrase o de promover a adquisición de destrezas que faciliten o entendemento e convivencia entre cada grupo de residentes.
Os galardóns complétanse con dúas mencións honoríficas: á entidade Bilaketa (Navarra) pola súa proxecta "Universidade para maiores Francisco Ynduráin", e á Fundación Florida (Comunidade Valenciana) polo proxecto "Escola de ciutadania en femení María Moliner".
A cerimonia de entrega, que estivo presidida polo director xeral de Formación Profesional do Ministerio de Educación, Miguel Soler, acompañouse dunha actuación musical coas letras dos poemas de Miguel Hernández, xa que en 2010 celébrase o centenario do nacemento deste autor.
