• Bienvenido
• Benvingut
• Benvido
• Ongi etorri

• Mapa do sitio
• Contacte

O Goberno aproba os contidos básicos das ensinanzas artísticas superiores

Consello de Ministros

O Consello de Ministros, a proposta do ministro de Educación, Ángel Gabilondo, aprobou seis Reais Decretos que concretan os contidos básicos do títulos das ensinanzas artísticas superiores e que son: Arte Dramática, Música, Danza, Deseño, Artes Plásticas en Especialidades de Cerámica e Vidro, e Conservación e Restauración de Bens Culturais.

Estes Reais Decretos regulan por primeira vez o contido das ensinanzas artísticas superiores que teñen a consideración a todos os efectos de ser equivalentes aos correspondentes títulos universitarios de grao.
O Ministerio de Educación prosegue así coa regulación de ensinanzas superiores non universitarias, xa previstas na LOE, e cuxo desenvolvemento específico por materias proxéctanse nestes Reais Decretos.

Os obxectivos que se pretenden con esta regulación son os seguintes:

• Determinar o contido das ensinanzas artísticas superiores de grao no contexto da ordenación da Educación Superior española no marco europeo.
• Definir o contido básico dos plans de estudo conducente á obtención do título de Graduado.
• Establecer as competencias transversais e xerais do Título de Graduado así como as competencias específicas e os perfís profesionais para cada unha das especialidades.
• Fixar as materias de formación básica e as materias obrigatorias de cada especialidade cos seus descritores e número de créditos correspondentes.
• Coa aprobación destes Reais Decretos, culmínase un longo proceso cuxo obxectivo principal foi preservar a calidade das ensinanzas e garantir a cualificación dos futuros profesionais destes ámbitos artísticos, mediante a situación nun espazo de educación superior acorde co seu nivel de excelencia propio e específico.

O novo espazo de ensinanzas superiores non universitarias representa unha novidade neste país e o éxito da súa culminación requirirá de todo o apoio e difusión por parte das Administracións Educativas, e da preservación dos seus correspondentes ámbitos de forma independente, polo menos, ata o seu total afianzamento na sociedade.