• Bienvenido
• Benvingut
• Benvido
• Ongi etorri

• Mapa do sitio
• Contacte

O Goberno aproba cualificacións profesionais para as familias Agraria e Enerxía e Auga

Consello de Ministros

O Consello de Ministros de hoxe aprobou, a proposta conxunta dos ministerios de Educación e Traballo e Inmigración, dous Reais Decretos que complementan o Catálogo Nacional de Cualificacións Profesionais, agregando as correspondentes ás familias profesionais Agrarias, e Enerxía e Auga.

Así, a Familia Profesional Agraria incorpora as cualificacións profesionais:

• Actividades de floraría
• Mantemento e mellora do hábitat cinexético-piscícola
• Produción de animais cinexéticos, produción de sementes e plantas en viveiro
• Arte floral e xestión das actividades de floraría
• Xestión de aproveitamentos forestais
• Xestión da produción de animais cinexéticos
• Xestión da produción de sementes e plantas en viveiro
• Xestión da produción gandeira
• Xestión dos aproveitamentos cinexético-piscícolas

Pola súa banda a Familia Profesional de Enerxía e Auga incorpora as cualificacións profesionais de:

• Montaxe, posta en servizo, mantemento, inspección e revisión de instalacións receptoras e aparellos de gas
• Xestión da operación en centrais hidroeléctricas
• Xestión da montaxe, operación e mantemento de subestacións eléctricas

Ata agora, o Consello de Ministros aprobou 441 cualificacións profesionais, e o total previsto sitúase arredor de 757.

O anteproxecto de Lei de economía sostible axiliza a aprobación e actualización do Catálogo Nacional de Cualificacións Profesionais para facilitar a súa rápida adaptación ás necesidades da economía.