Consello de Ministros
O Consello de Ministros, a proposta do Ministerio de Educación, aprobou hoxe tres acordos que establecen as cotas anuais a pagar á OCDE e á Asociación "Internacional para a Avaliación do Rendemento Educativo" encargadas da realización de diversos estudos de avaliación dos sistemas educativos dos países participantes.
O primeiro deles, o da OCDE, enmárcase dentro do Proxecto Internacional de Indicadores da Educación (INES), e ten como principal obxectivo a elaboración dun sistema internacional de indicadores no campo da educación, cuxo custo supón para España un investimento de 35.450 euros para este ano.
En segundo lugar, ratificáronse outros dous acordos coa Asociación "Internacional para a Avaliación do Rendemento Educativo". Un deles pola participación nun estudo sobre a educación cívica e cidadá por valor de 30.000 dólares americanos; e o outro, pola participación nun estudo internacional sobre tendencias en matemáticas e ciencias por importe de 22.500 euros e 22.500 dólares americanos.
Estas cotas internacionais que o Estado español debe satisfacer pola participación nestes estudos son acordadas e comprometidas internacionalmente cando se accede á participación nos mesmos.
O Goberno ten establecidos desde mediados dos anos oitenta este tipo de acordos. A subscrición dos mesmos implica un compromiso de participación polo período completo da realización do estudo, polo que o seu abandono supón un grave prexuízo tanto para o propio país participante, como para a organización que realiza o estudo.
Para o primeiro porque deixa de obter os resultados dun estudo en que xa participa, ao mesmo tempo que o abandono do compromiso adquirido suporía o seu descrédito ante a comunidade internacional. E para o segundo, a organización, porque esta vería como o desenvolvemento do estudo sofre desaxustes de última hora.
