O Consello de Ministros aprobou, a proposta do Ministerio de Educación, un acordo que formaliza a distribución de 11 millóns de euros para a adaptación das institucións universitarias ao Espazo Europeo de Educación Superior.
Contando con esta partida, no período 2005-2010 o Goberno de España achegou máis de 62 millóns de euros para este fin.
Así mesmo, este acordo aprobou os criterios de distribución entre as Comunidades Autónomas deste financiamento. Estes criterios acordáronse na Conferencia Xeral de Política Universitaria do pasado 22 de febreiro, en que están representadas todas as comunidades e o Ministerio de Educación.
Entre eses criterios figuran o número de novos graos a ser implantados no curso 2010-2011, así como outros referidos ao número de estudantes, o número de universidades en mesmo ámbito xeográfico ou o número total de titulacións oficiais.
A distribución resultante do crédito é a seguinte
| TOTAL | 11.000.000 |
| Comunidade Autónoma | Subvención |
| Andalucía | 1.715.657,38 |
| Aragón | 320.180,26 |
| Asturias | 267.784,82 |
| Baleares | 170.910,59 |
| As Canarias | 367.551,48 |
| Cantabria | 140.492,41 |
| Castela-León | 964.992,28 |
| Castela-A Mancha | 275.556,03 |
| Cataluña | 1.712.754,28 |
| Estremadura | 278.163,60 |
| Galicia | 640.574,17 |
| A Rioxa | 128.751,50 |
| Madrid | 1.946.228,47 |
| Murcia | 382.883,28 |
| Navarra | 177.345,42 |
| País Vasco | 460.889,33 |
| Valencia | 1.049.284,71 |
