Ante expertos de 30 países europeos e latinoamericanos
Intervención de Ángel Gabilondo
O ministro de Educación, Ángel Gabilondo, presentou os detalles do programa Escola 2.0 ante expertos en integración das novas tecnoloxías na educación de máis de 30 países europeos e latinoamericanos, durante o acto de inauguración da conferencia "Modelos TIC na educación "que, con motivo da Presidencia Española da UE organiza o seu Departamento.
Gabilondo destacou o alto grao de implantación do programa en España unha vez foron asinada os convenios coa práctica totalidade das comunidades autónomas, ademais de manifestar o seu convencemento con respecto a que a finais do mes de abril máis de 18.600 aulas españolas estarán completamente dixitalizadas e case 365.000 alumnos de quinto de Primaria disporán dun ordenador portátil.
O ministro de Educación trasladou os representantes de todos os países da UE as principais características do proxecto, que arrincou en setembro de 2009, e que en oito meses vai ver completada a súa implantación.
"O programa Escola 2.0 transcende os límites da escola para converterse nun proxecto social que atinxe tamén ás familias e repercute na modernización do modelo produtivo", afirmou o ministro de Educación quen tamén anunciou que "todo o coñecemento que adquiramos a través de Escola 2.0, todo avance que se realice, toda práctica que se identifique como boa práctica, estará a disposición dos nosos socios comunitarios e de toda a cidadanía europea".
O programa Escola 2.0
O programa conta cun orzamento para o curso escolar 2009-2010 de 200 millóns de euros, cofinanciados ao 50 por cento entre o Goberno de España e as Comunidades Autónomas.
O seu obxectivo é a transformación, nos vindeiros catro anos, das clases tradicionais de 5º e 6º de Primaria e 1º e 2º de Secundaria en aulas dixitais dotadas con encerados dixitais e conexión sen fío a Internet, en que o profesor disporá dun ordenador portátil e en que cada alumno traballará cun ordenador persoal ultraportátil.
Para iso, o proxecto Escola 2.0 baséase nos seguintes eixes:
Conferencia de expertos
O ministro presentou o programa no acto de inauguración da conferencia internacional "Modelos de integración TIC en educación", un evento enmarcado na Presidencia Española da UE, en que ademais de expertos de 30 países europeos e latinoamericanos en integración de tecnoloxías na educación, tamén participan representantes de todas as comunidades autónomas e de empresas do sector tecnolóxico.
Nel, o Ministerio de Educación quere fomentar distintos debates sobre a implantación no futuro das novas tecnoloxías no ámbito educativo, ademais de sobre outras cuestións.
A actividade desenvolverase entre os días 16 e 18 de marzo e estará centrada en tres liñas de traballo principal:
Toda a información sobre o evento está dispoñible en: www.educacion.gob.es
