O Ministerio de Educación abriu a convocatoria para cubrir 1.252 prazas de auxiliares de conversación española en diversos países para o curso 2010-2011. Toda a información sobre a convocatoria está na páxina web do Ministerio de Educaciónpáxina web do Ministerio de Educación
Os candidatos deben ser estudantes do último ano de varias especialidades universitarias. Tamén poderán presentarse a convocatoria titulada nas mesmas especialidades, aínda que terán prioridade os estudantes do último ano da especialidade de Filoloxía ou Tradución e Interpretación no idioma estranxeiro do país solicitado.
O prazo de presentación de solicitudes termina o 7 de marzo. Os auxiliares seleccionados incorporaranse aos seus postos o día 1 de outubro de 2010, agás nos casos de Australia e Nova Zelandia, onde o curso empeza o 1 de febreiro de 2011.
O programa ten como obxectivo facilitar que os estudantes dos países de destino perfeccionen o coñecemento da lingua e a cultura española, e que os propios participantes no programa melloren o seu coñecemento da lingua e a cultura do país que lles acolle.
O número de prazas convocadas para cada país especifícase na seguinte táboa:
| PAÍS | PRAZAS |
|---|---|
| Alemaña | 140 |
| Austria | 3 |
| Australia | 25 |
| Bélxica | 15 |
| Canadá | 3 |
| Estados Unidos | 27 |
| Francia | 490 |
| Irlanda | 12 |
| Italia | 25 |
| Nova Zelandia | 3 |
| Malta | 4 |
| Portugal | 5 |
| Reino Unido | 500 |
| TOTAL | 1.252 |
Os auxiliares traballarán como axudantes de prácticas de conversación baixo a supervisión dun profesor titular durante un curso escolar en centros docentes de educación primaria e secundaria en cada país de destino. Nalgúns casos, poderán tamén colaborar na atención aos usuarios de bibliotecas e centros de recursos en español.
As axudas mensuais serán de entre 800 e 1.000 dólares ao mes, dependendo do nivel de vida do país. Ademais, os auxiliares recibirán cobertura sanitaria, orientación para encontrar aloxamento e formación inicial.
