O Consello de Ministros, a proposta do ministro de Educación, Ángel Gabilondo, aprobou o Real decreto que establece os seguintes títulos profesionais de Artes Plásticas e Deseño correspondente á familia profesional de cerámica artística:
- Técnico de Artes Plásticas e Deseño en Olaría.
- Técnico de Artes Plásticas e Deseño en decoración Cerámica.
- Técnico Superior en Artes Plásticas e Deseño en Cerámica Artística.
- Técnico Superior en Artes Plásticas e Deseño en Modelismo e Matricería Cerámica.
- Técnico Superior en Artes Plásticas e Deseño en Recubrimentos Cerámicos.
O obxectivo destes títulos é atender as actuais necesidades de formación de técnicos e técnicos superiores das profesións artísticas do ámbito da cerámica artística, e unir o coñecemento de materiais, procedementos técnicos e novas tecnoloxías coa cultura e a sensibilidade artística.
No Real decreto especifícanse para cada un deles a súa identificación, o perfil e o contexto profesional, as ensinanzas mínimas e outras aspectos da ordenación académica e dos centros.
Así mesmo, determínanse os accesos a outros estudos, as validacións e exencións e as competencias docentes para a impartición das ensinanzas mínimas.
Nos ciclos formativos de grao superior establécense os créditos europeos ECTS mínimos correspondentes a cada módulo formativo co obxectivo de facilitar o recoñecemento de créditos entre os títulos de técnico superior e as ensinanzas conducentes a títulos superiores de ensinanzas artísticas ou títulos universitarios.
