Nota de prensa

O Ministerio de Educación lanzou unha estratexia de innovación nos seus servizos editoriais co fin de achegar os cidadáns as publicacións que produce.

Dentro desta política inclúense accións como a dixitalización das publicacións que o Ministerio ten no seu arquivo histórico, o acceso gratuíto dos cidadáns ao mesmo a través de Internet, implantación dunha nova plataforma en liña para a súa adquisición, ou a redución das tiradas en papel e a súa substitución por edicións electrónicas.

Esta iniciativa desenvolveuse tendo como fundamentais as seguintes liñas de actuación: facer fronte ás demandas dos cidadáns, evitar o incremento de custos, a colaboración con outras entidades, a integración do factor ambiental na produción editorial, e ampliar a difusión das publicacións ao maior número de cidadáns posibles.

Entre as accións desenvolvidas ata agora destacan as seguintes:

• Implantación dunha nova plataforma de venda electrónica de publicacións que, ademais, porá a disposición do usuario gratuitamente, en formato pdf, todas as publicacións que se encontran fóra do catálogo de vendas que están esgotadas. Esta plataforma aloxa unhas 1.600 publicacións, das que preto de 1.000 son de acceso gratuíto.
  
  Ademais, as publicacións editadas polo Ministerio divulgaranse a través da rede para permitir o achegamento do maior número de potenciais lectores e compradores.
  
  Algúns destes servizos están dispoñibles na web do Ministerio de Educación (www.educacion.gob.es).
• Dixitalización das publicacións custodiadas no arquivo histórico do Departamento, en colaboración coa Imprenta Nacional do BOE. A través deste arquivo dixital facilitarase o acceso electrónico dos cidadáns aos fondos bibliográficos, como contempla a Lei 11/2007, do 22 de xuño, de acceso electrónico dos cidadáns aos servizos públicos.
• Redución progresiva da tirada en papel nas novas edicións e fomento da edición electrónica. Desta maneira intégrase o factor ambiental na política editorial do Ministerio como recomenda o Plan de Contratación Verde da Administración Xeral do Estado do 11 de xaneiro de 2008.
• O Ministerio de Educación vén realizando xestións para asinar contratos con diferentes distribuidoras dixitais, tanto nacionais coma internacionais para pór en marcha, non só a venda de publicacións dixitais (e-book Estas distribuidoras porán a disposición do Ministerio as súas plataformas, adaptadas para a venda de e-book

Con estas accións o Ministerio de Educación aposta por modernizar a difusión da súa produción editorial, mellorar as canles de transferencia do coñecemento e posibilitar a implantación da administración electrónica.