Consello de Ministros
O Consello de Ministros, a proposta do ministro de Educación, Ángel Gabilondo, aprobou o Real decreto que fixa o procedemento de cálculo da nota media nas ensinanzas profesionais de Música e Danza.
A nota media do expediente constitúe un aspecto básico do currículo das ensinanzas profesionais de música e de danza, que terá incidencia na vida académica do alumno, tanto se desexa acceder ás ensinanzas superiores, coma se desexa obter o título de bacharelato.
Esta nota media é relevante para o acceso aos estudos profesionais superiores de música e danza, xa que a posesión do título profesional será tida en conta na cualificación final da proba específica.
Este Real decreto está enmarcado na aposta do Goberno por este tipo de ensinanzas, que coa aprobación da Lei Orgánica da Educación, quedan integradas nas ensinanzas artísticas e estruturadas en tres niveis (elemental, profesional e superior). E faio co obxectivo de modernizar estas ensinanzas e avanzar na súa integración co resto do sistema educativo.
