Consello de Ministros
O Consello de Ministros, a proposta do ministro de Educación, Ángel Gabilondo, aprobou a distribución entre as comunidades autónomas de Andalucía e Cataluña, de 37,7 millóns de euros para financiar a creación de prazas públicas de educación infantil.
Segundo os convenios aprobados hoxe Andalucía recibirá 20,3 millóns de euros e Cataluña 17,4 millóns de euros.
Estas partidas enmárcanse no Plan Educa3 impulsado polo Goberno de España e que conta cun investimento no ano 2009 de 100 millóns de euros.
En 2008 o Ministerio de Educación lanzou o Plan "Educa3", o primeiro programa integral de impulso para a creación de novas prazas educativas para nenos de menos de 3 anos, que suporá un investimento total de 1.087 millóns de euros entre 2008 e 2012. O financiamento realízase ao 50% entre o Goberno e as Comunidades Autónomas.
