O Consello de Ministros, a proposta do ministro de Educación, Ángel Gabilondo, aprobou o nomeamento de Juan José Moreno Navarro como novo Director Xeral de Política Universitaria.
Juan José Moreno Navarro foi Director Xeral de Transferencia de Tecnoloxía e Desenvolvemento Empresarial no Ministerio de Ciencia e Innovación ata outubro de 2009. Previamente desempeñou o cargo de Director Xeral de Planificación e Coordinación, de maio de 2008 ata marzo de 2009.
Así mesmo, foi Secretario da Comisión da Área de Tecnoloxías para a Sociedade da Información para a elaboración do Plan Nacional de I+D 2004-2007 e membro do Panel da Estratexia Nacional de Ciencia e Tecnoloxía. Participou como avaliador e director en numerosos programas nacionais e internacionais de xestión universitaria, innovación docente e investigación.
O novo Director Xeral de Política Universitaria é Licenciado en Ciencias Matemáticas pola Universidade Complutense de Madrid e Doutor en Informática pola Universidade Politécnica de Madrid. Ademais, é Catedrático de Universidade da Área de Linguaxes e Sistemas Informáticos na Universidade Politécnica de Madrid.
