Consello de Ministros
O Consello de Ministros aprobou un Acordo que permite a subscrición do convenio do programa Escola 2.0 entre o Ministerio de Educación e a Generalitat de Cataluña.
A través deste convenio, cuxa sinatura se autorizou hoxe, o Ministerio achegará 15,4 millóns de euros para o desenvolvemento de Escola 2.0 en Cataluña. Pola súa banda, a Generalitat achegará a mesma cantidade, ao ser un programa cofinanciado. Este orzamento aprobouse o pasado mes de xullo por acordo da Conferencia Sectorial de Educación. Ao superar os doce millóns de euros, o convenio preciso da autorización do Consello de Ministros.
Este convenio súmase aos xa subscritos polo Ministerio con Andalucía, Aragón, Cantabria, As Canarias e Castela e León.
O obxectivo do Programa Escola 2.0 é que en abril de 2010, 390.000 alumnos e 20.000 profesores, en máis de 14.400 aulas completamente dixitalizadas de toda España, utilicen un ordenador persoal ultraportátil.
O programa Escola 2.0 é moito máis que o reparto de ordenadores entre alumnos e profesores; é a aplicación dunha nova forma de ensinar e de aprender utilizando as novas tecnoloxías de xeito que se sumen aos medios tradicionais.
Escola 2.0 prevé, así mesmo, actuacións de formación nos próximos anos de especialistas en novas tecnoloxías de todos os centros docentes, a formación do profesorado encargado desas aulas, así como a creación de materiais educativos específicos para profesores, alumnos e familias.
