• Bienvenido
• Benvingut
• Benvido
• Ongi etorri

• Mapa do sitio
• Contacte

Aprobada a distribución de 100 millóns de euros para o programa Escola 2.0

Consello de Ministros

O Consello de Ministros aprobou hoxe a distribución do orzamento para o programa Escola 2.0 entre as comunidades autónomas, así como os criterios para realizara.

Trátase dun programa global de innovación educativa que contará en 2009 cun total de 200 millóns de euros financiados ao 50% polo Ministerio de Educación e as Comunidades Autónomas. Un programa que prevé a transformación nos vindeiros catro anos das aulas tradicionais de 5º e 6º de Primaria e 1º e 2º de Secundaria en aulas dixitais dotadas con encerados dixitais e conexión sen fío a Internet, en que o profesor disporá dun ordenador portátil e en que cada alumno traballará cun ordenador persoal ultraportátil.

Así, para a distribución do orzamento destinado a equipamento, que ascende a 93’5 millóns de euros, teñen en cóntase o número de alumnos de 5º de Primaria de todos os colexios sostidos con fondos públicos e o número de aulas de 5º de Primaria dos colexios públicos. Desta maneira, o Goberno garante o financiamento suficiente para dotar de ordenadores a todos os alumnos de 5º de Primaria, así como o equipamento necesario para o profesorado e as aulas dos colexios públicos.

Por outra banda, o Ministerio destinará preto de cinco millóns de euros para a formación dos especialistas en novas tecnoloxías dos colexios e dos profesores das aulas que se incorporan ao programa Escola 2.0, así como para a elaboración e impulso á creación de materiais e recursos educativos dixitais. Para a súa distribución tera en contase o número de aulas de 5º de Primaria e o número de centros sostidos con fondos públicos.

A aplicación dos criterios indicados dá como resultado a distribución que se reflexa na seguinte táboa.