Consello de Ministros
O Consello de Ministros aprobou hoxe, a proposta do ministro de Educación, Ángel Gabilondo, a creación dun novo centro público de educación infantil e primaria en Melilla. Neste novo centro integrarase o colexio público Hispano Israelita.
O novo centro escolarizará arredor de 675 alumnos atendidos por 37 mestres, en nove unidades de educación infantil e 18 de educación primaria. O resultado da operación de creación dun novo centro e a integración nel do CEIP Hispano Israelita supón 18 unidades máis que as actualmente existentes, 6 de educación infantil e 12 de educación primaria, ademais dun incremento dos profesores.
Este colexio estará listo para o seu uso no próximo curso 2009-2010 e permitirá mellorar as ratios de varios centros de Melilla. Ademais, poderá acoller os alumnos e docentes do centro público Hispano Israelita, nunhas instalacións mellores e máis modernas, o que aumentará a calidade da atención educativa.
