Cumprirase co calendario previsto
As universidades españolas contarán para o comezo do curso académico 2009/2010 con 1.000 títulos de grao avaliado pola Axencia Nacional de Avaliación da Calidade e a Acreditación e a Calidade (ANECA) e verificados polo Consello de Universidades.
O ministro de Educación, Ángel Gabilondo, presidiu o pasado luns 18 de maio a reunión do Padroado da ANECA en que, tras analizar os informes presentados pola propia Axencia, así como polo seu Consello Asesor, acordouse tomar unha serie de medidas para acelerar o proceso de avaliación e verificación dos títulos de grao de tal xeito que entre finais de maio e principios de xuño poida estar concluída a oferta de títulos para o próximo curso.
Para acadar este obxectivo a ANECA e o Consello de Universidades, organismos dependentes do Ministerio de Educación, desenvolverán varias accións entre as que destacan a creación dunha aplicación informática para acelerar os procesos, e a constitución dunha serie de comisións que axilicen os puntos máis complexos deste labor.
Ademais, estas comisións terán un papel coordinador entre as distintas institucións involucradas no proceso: Ministerio de Educación, Consello de Universidades e ANECA.
