Consello de Ministros
O Consello de Ministros aprobou hoxe o nomeamento de tres altos cargos do Ministerio de Educación. Trátase da secretaria de Estado de Educación e Formación Profesional, Eva Almunia; da subsecretaria do ministerio, Mercedes López Revilla e da directora de Gabinete do ministro, Fátima Rojas.
Secretaria de Estado de Educación e Formación Profesional: EVA ALMUNIA BADÍA
Nacida en 1960 en Esplús (Huesca).
Desempeñou diversas responsabilidades na Deputación Provincial de Huesca e foi Concelleira do Municipio de Esplús, así como da Cidade de Huesca. En 2001 foi nomeada Conselleira de Educación e Ciencia do Goberno de Aragón, onde tamén foi Conselleira de Educación, Cultura e Deporte do Goberno de Aragón.
Durante o último ano desempeñou o cargo de secretaria de Estado de Educación e Formación no Ministerio de Educación, Política Social e Deporte.
Subsecretaria do Ministerio de Educación: MERCEDES LÓPEZ REVILLA
Nacida o 7 de xaneiro de 1950, é Licenciada en Historia e Xeografía pola Universidade Complutense de Madrid.
Desempeñou diversos postos no Ministerio de Asuntos Sociais, no Imserso e na área social da Delegación do Goberno de Madrid. Foi Xefa de Gabinete dos subsecretarios dos Ministerios de Interior, de Administracións Públicas, e do Director do Gabinete da Presidencia do Goberno.
Durante o último ano foi subsecretaria no Ministerio de Educación, Política Social e Deporte.
Directora de Gabinete do ministro de Educación: FÁTIMA ROJAS CIMADEVILA
Es Licenciada en Ciencias Biolóxicas pola Universidade Complutense de Madrid e pertence ao Corpo de Funcionarios do Consello Superior de Investigacións Científicas.
Foi Directora de Comunicación do Consello Superior de Investigacións Científicas e do Consello de Seguridade Nuclear, Asesora do Secretario de Estado de Política Científica e Tecnolóxica, e do Departamento de Asuntos Institucionais da Presidencia do Goberno. Foi Subdirectora Xeral de Comunicación cos Cidadáns no Gabinete da Presidencia do Goberno e Directora do Gabinete da Ministra de Administracións Públicas. Foi Directora de Comunicación do Ministerio de Educación e Ciencia.
Durante o último ano desempeñou o cargo de directora de Gabinete do ministro no Ministerio de Educación, Política Social e Deporte.
