Cabrera preside o Pleno do Consello Superior de Ensinanzas Artísticas
A ministra de Educación, Política Social e Deporte, Mercedes Cabrera, presidiu hoxe o Pleno do Consello Superior de Ensinanzas Artísticas, onde informou sobre as principais novidades do proxecto de Real decreto por que se establece a ordenación das ensinanzas artísticas superiores. O texto establece a plena integración das ensinanzas artísticas superiores no Espazo Europeo de Educación Superior.
Entre as novidades máis destacadas do proxecto de Real decreto está a estruturación das ensinanzas de acordo co marco europeo de Graos e Posgraos, o que permitirá que os graduados en ensinanzas artísticas superiores poidan estudar másters (equivalentes a todos os efectos aos universitarios) e Doutoramentos (organizados en convenio coas universidades).
Mobilidade europea
Así mesmo, para fomentar, xa desde o próximo curso, a mobilidade internacional dos estudantes de ensinanzas artísticas superiores e dos ciclos formativos de grao superior de artes plásticas e deseño, a ministra anunciou que, ademais, vaise a crear unha Unidade de información e apoio específico para impulsar as bolsas Erasmus entre estes estudantes, en colaboración co Organismo Autónomo de Programas europeos (OAPEE) e unha Comisión Permanente de Coordinación no seo da Conferencia Sectorial de Educación.
Nesta mesma mesma liña de impulsar a mobilidade, o proxecto de Real decreto tamén incorpora as ensinanzas artísticas ao sistema europeo de recoñecemento, transferencia e acumulación de créditos ECTS (European Credit Transfer System), utilizandoos como unidade de medida que reflexa os resultados da aprendizaxe e o volume de traballo realizado polos estudantes para acadar os obxectivos establecidos nos plans de estudos, pondo así en valor a motivación e o esforzo do estudante para aprender. Os créditos europeos ofrecen, así mesmo, os instrumentos necesarios para comprender e comparar facilmente os distintos sistemas educativos, axilizando o recoñecemento dos estudos cursados e a mobilidade nacional e internacional dos estudantes.
Así mesmo, co obxectivo de impulsar esta mobilidade internacional, o proxecto de Real decreto regula a expedición do Suplemento Europeo ao Título, un documento que facilita a mobilidade dos estudantes e que contén a información unificada e personalizada para cada titulado sobre os estudos cursados, os resultados obtidos e o nivel da titulación no sistema nacional de educación superior.
O proxecto de Real decreto tamén contempla o fomento de programas de investigación nos centros de ensinanzas artísticas superiores no ámbito das disciplinas que lles sexan propias.
Aposta polas ensinanzas artísticas
Esta reforma faise de acordo coa Lei Orgánica de Educación, que establece que as ensinanzas superiores son as universitarias e tamén as artísticas superiores, a formación profesional de grao superior, as ensinanzas profesionais de artes plásticas e deseño de grao superior e as ensinanzas deportivas de grao superior.
Este proxecto enmárcase na política de impulso ás ensinanzas artísticas en España, que comezou a pasada lexislatura coa reforma das ensinanzas artísticas profesionais e a creación do novo Bacharelato de Artes Escénicas, Música e Danza.
Teñen a condición de ensinanzas artísticas superiores os estudos superiores de música e de danza, as ensinanzas de arte dramático, as ensinanzas de conservación e restauración de bens culturais, os estudos superiores de deseño e os estudos superiores de artes plásticas, entre os que se inclúen os estudos superiores de cerámica e os estudos superiores do vidro.
O Consello Superior de Ensinanzas Artísticas é un órgano consultivo do Estado establecido na Lei Orgánica de Educación para participar no deseño e definición dos contidos básicos básicos dos diferentes estudos das ensinanzas artísticas superiores. No Consello están representado as Administracións, os profesores, os centros superiores das diferentes ensinanzas artísticas e os alumnos, ademais de 10 figuras de recoñecido prestixio.
