• Bienvenido
• Benvingut
• Benvido
• Ongi etorri

• Mapa do sitio
• Contacte

Mercedes Cabrera anuncia iniciativas para integrar Internet e as novas tecnoloxías no sistema educativo

Na Comisión de Educación, Política Social e Deporte do Congreso

• Haberá medidas sobre Internet, redes sociais, plataformas móbiles e contidos dixitais para alumnos, profesores e pais
• Os programas Educa3, PROA e Bibliotecas Escolares contarán en 2009 cun financiamento de 159 millóns de euros
• Potenciarase a Conferencia Sectorial de Educación como espazo para acadar acordos de forma permanente

• Texto da comparecencia 
• Audio da comparecencia
• Vídeo da comparecencia

A ministra de Educación, Política Social e Deporte, Mercedes Cabrera, compareceu hoxe ante a Comisión de Educación, Política Social e Deporte do Congreso dos Deputados, para informar sobre as actuacións desenvolvidas no último ano polo seu Departamento en materia educativa, así como para anunciar novas iniciativas para intensificar a integración de Internet e as novas tecnoloxías no sistema educativo español.

Cabrera afirmou que no momento de gran complexidade económica por que pasa España a educación é unha arma fundamental para a sociedade. "Porque todos estamos convencidos que esta é unha etapa decisiva da nosa historia. Agora a educación desempeña unha función crucial; é o instrumento máis valioso para lograr unha sociedade máis rica, máis equilibrada, con máis benestar", asegurou.

A ministra, ademais de anunciar as novas medidas para acelerar ao máximo a entrada das novas tecnoloxías nas aulas españolas, detallou as numerosas iniciativas en materia educativas impulsadas nos doce meses que van de lexislatura. Desde o fomento da avaliación do sistema educativo español ata o impulso da Formación Profesional, sen esquecer o esforzo que se está realizando por reducir o abandono escolar temperán, ou por garantir o acceso aos estudos ao maior número de persoas posibles.
 

ESCOLA 2.0

"Os mozos do século XXI conciben Internet e as tecnoloxías como un instrumento máis da súa vida. Por iso chegou o momento de dar un paso adiante. A tecnoloxía é moito máis que unha axuda no ensino ou a aprendizaxe. Ten que ser unha ferramenta pedagóxica de igual valor e de uso tan habitual como os libros ou os bolígrafos. É a escola do futuro, a escola 2.0 a que temos que chegar o máis pronto posible", afirmou a responsable do Ministerio de Educación, Política Social e Deporte (MEPSYD).

Esta aposta por trasladar canto antes e da mellor forma posible as posibilidades de Internet, as redes sociais ou de información a través dos teléfonos móbiles ao ámbito educativo, vaise a realizar tendo en conta o papel imprescindible dos profesores e as necesidades e demandas dos pais.

As iniciativas hoxe anunciadas teñen como obxectivo ofrecer recursos aos profesores para que melloren o seu labor e incrementen a súa autoridade, xerar contidos para que os alumnos aprendan máis e mellor, e axudar os pais para que participen máis na educación dos seus fillos.

As medidas anunciadas hoxe foron:

• A web do Ministerio, www.educacion.gob.es, será o portal institucional con toda a información e os servizos que ofrece a Administración Xeral do Estado sobre o sistema educativo. A web ofrece desde esta semana 120 servizos electrónicos. A finais de ano estarán dispoñibles 192.
• Estender a utilización de plataformas móbiles na comunicación cos cidadáns. En 2009 enviaranse 500.000 sms e emails aos cidadáns para informar sobre a tramitación das bolsas.
• Crear unha plataforma única en Internet que aglutine todos os contidos e servizos útiles para profesores.
• Pór en marcha un portal que permita estudar a distancia as ensinanzas de Formación Profesional e que ademais ofreza información e orientación sobre estes estudos.
• Analizar coas empresas editoriais a dixitalización dos contidos educativos.
• Colaborar coa Comisión Europea, as principais operadoras de telefonía e outras empresas do sector para desenvolver unha web que axude e oriente pais e profesores a combater e previr o ciberacoso ou as dependencias dos móbiles ou videoxogos.
• Potenciar a canle Mepsyd en Youtube (http://es.youtube.com/mepsyd ) para que se converta nun medio de intercambio de experiencias educativas de profesores e alumnos. A canle recibiu máis de 335.000 visitas nos sete meses que leva funcionando.
• Lanzar unha rede social para os profesores e alumnos dos centros que o Ministerio ten no estranxeiro.

FINANCIAMENTO

Mercedes Cabrera anunciou durante a súa comparecencia o financiamento correspondente a 2009 para os seguintes programas educativos:

• Educa3, 100 millóns de euros.
• Programa de Reforzo, Orientación e Apoio (PROA), 49,6 millóns de euros.
• Bibliotecas Escolares, 9 millóns de euros.

CONFERENCIA SECTORIAL E AVALIACIÓN

Mercedes Cabrera destacou durante a súa intervención que a colaboración entre as distintas administracións é fundamentais para a educación sexa cada vez mellor en España.

Por este motivo, a ministra anunciou que vai realizar un esforzo por potenciar a Conferencia Sectorial de Educación (que reune ao Goberno coas comunidades autónomas) como foro para o debate e o desenvolvemento de políticas educativas.

"A Conferencia Sectorial de Educación é a sede do verdadeiro pacto pola educación en España", afirmou a ministra.

Precisamente a colaboración coas comunidades autónomas é fundamentais para pór en marcha do novo modelo de avaliación do sistema educativo español.

A ministra lembrou que esta semana se puxeron en marcha as novas avaliacións establecidas pola Lei Orgánica de Educación e acordadas coas comunidades autónomas. Nelas participarán 28.000 alumnos de cuarto de primaria que estudan en 888 centros de toda España e 1.350 profesores.

Estas avaliacións permitirán ter información propia sobre o sistema educativo, e non depender en exclusiva dos estudos internacionais. Isto non implica que España deixe de colaborar coas entidades internacionais que realizan avaliacións similares.

ABANDONO ESCOLAR E FP

Mercedes Cabrera fixo balance de máis iniciativas fundamentais para o MEPSYD, entre as que destacan:

• Plan para combater o abandono escolar temperán. A ministra lembrou que, segundo o acordado no marco da Conferencia Sectorial de Educación, este ano os 121 millóns de euros correspondentes ao Plan de Apoio á Implantación da LOE dedícanse a este fin.
  
  Ministerio e comunidades autónomas están traballando na definición das medidas a aplicar. No vindeiro outono realizarase o primeiro balance deste Plan.
• Roteiro da Formación Profesional. Nas próximas semanas aprobarase o Real decreto de avaliación e acreditación que permitirá validar a experiencia profesional ou formación non regrada por materias dos estudos de Formación Profesional.
  
  Ademais, Mercedes Cabrera adiantou que antes de que comece o próximo curso estará dispoñible o mapa de 26 Centros Nacionais de Referencia, un por cada familia profesional.