Segundo datos proporcionados polas Comunidades Autónomas
Un total de 566.410 persoas teñen dereito a recibir os beneficios da Lei de Dependencia, segundo datos achegados polas Comunidades Autónomas a data 1 de marzo de 2009.
Deles, 401.058 foron recoñecidos como grandes dependentes e 165.352 como dependentes severos (os dous graos a que, na actualidade, ampara a lei, segundo o calendario de aplicación da mesma). En virtude da Lei de Dependencia, estas persoas son atendidas a través de servizos sociais ou prestacións económicas.
Os beneficiarios reciben os seguintes servizos e prestacións, segundo datos das Comunidades Autónomas a data 1 de marzo de 2009:
| Servizo ou prestación | Beneficiarios |
|---|---|
| *O Goberno solicitou a que especifiquen os servizos ou prestacións destes beneficiarios. | |
| Teleasistencia | 14.482 |
| Axuda a domicilio | 46.429 |
| Plaza en centros de día/noite | 16.307 |
| Plaza residencial | 76.011 |
| Servizo de prevención e de promoción da autonomía persoal | 656 |
| Prestación económica vinculada ao servizo | 21.022 |
| Prestación económica por coidados familiares | 151.291 |
| Prestación económica por asistente persoal | 432 |
| Servizo ou prestación sen especificar polas Comunidades Autónomas* | 240.438* |
Os datos completos achegados polas Comunidades Autónomas sobre a aplicación da Lei de Dependencia a data 1 de marzo están dispoñibles na páxina web do Imserso: www.seg-social.es/imserso
.
MÁIS DE 53.000 ALTAS NA SEGURIDADE SOCIAL PARA COIDADORES FAMILIARES
Dos beneficiarios que perciben a prestación económica por coidados familiares (151.291, segundo datos das Comunidades Autónomas), un total de 53.695 están dados de alta na Seguridade Social, segundo datos facilitados por este organismo a data 5 de marzo de 2009.
Os datos da Seguridade Social sobre altas de coidadores que reciben a prestación económica en virtude da Lei de Dependencia están dispoñibles na páxina wel do Imserso: www.seg-social.es/imserso.
INCREMENTO DO FINANCIAMENTO ESTATAL DA LEI DE DEPENDENCIA PARA 2009
O Goberno de España destinará en 2009 ás Comunidades Autónomas 1.558 millóns de euros para a lei de Dependencia, un 79% máis que o pasado ano.
