PlanE
A secretaria de Estado de Política Social, Amparo Valcarce, e o conselleiro de Benestar Social e Vicepresidente Terceiro da Comunidade Valenciana, Juan Cotino, asinaron hoxe en Alacante un convenio de colaboración por que o Goberno de España destina a esta comunidade un total de 36.098.660 euros para desenvolver proxectos de dependencia con cargo ao fondo extraordinario de dependencia do Plan de Estímulo da Economía E o Emprego (Plan E).
O obxectivo deste fondo especial céntrase en estimular a actividade económica e a creación de emprego, así como en reforzar a protección social.
A través deste fondo extraordinario, a Comunidade Valenciana creará este ano novo prazas de residencia, de centro de día e de servizos de promoción da autonomía persoal. Ademais, financiará a modernización e adecuación de servizos xa existentes de atención a persoas maiores e a persoas con discapacidade en centros residenciais.
A posta en marcha destes proxectos suporá a creación de máis de 1.500 postos de traballo na Comunidade Valenciana.
Doutra banda, a Comunidade Valenciana tamén impulsará con cargo a este fondo novo concertos de servizos de teleasistencia e de prazas de atención a persoas dependentes.
En total, estes investimentos do Goberno de España comportarán a creación ou adaptación de máis de 11.600 prazas para persoas dependentes na Comunidade Valenciana.
Ademais, financiaranse 400 programas de formación de coidadores de non profesionais de persoas dependentes. Estes cursos beneficiarán 8.000 coidadores familiares.
Nesta comunidade autónoma hai nestes momentos 31.808persoas a que se recoñeceu o dereito a beneficiarse da Lei de Dependencia.
O fondo extraordinario do Plan E súmase ao financiamento xeral que reciben as Comunidades Autónomas para a Lei de Dependencia. En 2009, o Goberno de España dedicará máis de 1.558 millóns a dependencia, un 79% máis que o pasado ano.
