Plan E
A ministra de Educación, Política Social e Deporte, Mercedes Cabrera, e o presidente da Xunta de Estremadura, Guillermo Fernández Vara, asinaron hoxe un convenio de colaboración por que o Goberno de España destina a esta comunidade un total de 11.003.316 euros para o desenvolvemento de proxectos de atención a persoas dependentes con cargo ao fondo extraordinario de dependencia do Plan de Estímulo da Economía E o Emprego (Plan E).
A través deste fondo extraordinario, Estremadura financiará este ano investimentos en novos centros, servizos e prazas para a atención de persoas dependentes e modernizará e axeitará centros e servizos xa existentes. Estes investimentos comportarán a creación ou adaptación de 1.800 prazas para persoas dependentes en centros residenciais, en servizos de promoción da autonomía persoal e en servizos de axuda a domicilio.
A posta en marcha destes proxectos con cargo ao fondo extraordinario suporá a creación de case 1.000 postos de traballo en Estremadura.
Nesta comunidade autónoma hai nestes momentos 14.255persoas a que se recoñeceu o dereito a beneficiarse da Lei de Dependencia.
Os once millóns de euros hoxe acordados engadiranse ao financiamento que os cidadáns de Estremadura reciban por parte do Goberno de España para o desenvolvemento da Lei de Dependencia. A cifra total que se destine en 2009 non se coñecerá ata finais de ano. Pero cabe lembrar que en 2008, o MEPSYD destinou máis de 19,4 millóns de euros á comunidade autónoma por este concepto.
Este fondo extraordinario do Plan E súmase ao financiamento xeral da Lei de Dependencia. Así, en 2009, o Goberno de España dedicará máis de 1.558 millóns a dependencia, un 79% máis que o pasado ano.
