Plan E
A secretaria de Estado de Política Social, Amparo Valcarce, e a conselleira de Acción Social e Cidadanía de Cataluña, Carme Capdevila, asinaron hoxe en Barcelona un convenio de colaboración por que o Goberno de España destina a esta comunidade un total de 61.965.893 euros para a execución de investimentos e proxectos de atención a persoas dependentes con cargo ao fondo extraordinario de dependencia do Plan de Estímulo da Economía E o Emprego (Plan E). Os proxectos, financiados exclusivamente polo Goberno de España, foron solicitados por Cataluña.
O obxectivo deste fondo especial céntrase en estimular a actividade económica e a creación de emprego, así como en reforzar a protección social.
A través deste fondo extraordinario, Cataluña creará este ano novo prazas de residencia, de centro de día e de servizos de promoción da autonomía persoal. Ademais, financiará a modernización e adecuación de servizos xa existentes de atención a persoas maiores e a persoas con discapacidade en centros de día e aloxamentos residenciais.
Doutra banda, Cataluña tamén impulsará con cargo a este fondo novo concertos de prazas de atención a persoas dependentes en centros de día e aloxamentos residenciais.
En total, estes investimentos do Goberno de España comportarán a creación ou adaptación de máis de 5.100 prazas para persoas dependentes en Cataluña.
Ademais, financiaranse adaptacións en aloxamentos particulares de persoas maiores e persoas con discapacidade e mellorarase a infraestrutura do servizo de axuda a domicilio.
A posta en marcha destes proxectos con cargo ao fondo extraordinario suporá a creación de máis de 5.300 postos de traballo en Cataluña.
O fondo extraordinario do Plan E súmase ao financiamento xeral que reciben as Comunidades Autónomas para a Lei de Dependencia. En 2009, o Goberno de España dedicará máis de 1.558 millóns a dependencia, un 79% máis que o pasado ano.
