Segundo datos proporcionados polas Comunidades Autónomas
Un total de 422.846 persoas son beneficiarias da Lei de Dependencia, segundo datos achegados polas Comunidades Autónomas a data 1 de decembro.
Dos beneficiarios, un total de 350.963 foron recoñecidos como grandes dependentes e 71.883 como dependentes severos nivel 2 (os dous graos a que, na actualidade, ampara a lei, segundo o calendario de aplicación da mesma). En virtude da Lei de Dependencia, estes beneficiarios son atendidos a través de servizos sociais ou prestacións económicas.
Os beneficiarios reciben os seguintes servizos e prestacións, segundo datos das Comunidades Autónomas a data 1 de decembro de 2008:
| Servizo ou prestación | Número beneficiario |
|---|---|
| Teleasistencia | 9.820 |
| Axuda a domicilio | 32.236 |
| Plaza en centros de día/noite | 12.270 |
| Plaza residencial | 58.960 |
| Servizo de prevención e de promoción da autonomía persoal | 231 |
| Prestación económica vinculada ao servizo | 13.197 |
| Prestación económica por coidados familiares | 109.287 |
| Prestación económica por asistente persoal | 171 |
| Servizo ou prestación sen especificar polas Comunidades Autónomas* | 186.674* |
| TOTAL | 422.846 |
*O Goberno solicitou a que especifiquen os servizos ou prestacións destes beneficiarios.
Os datos completos achegados polas Comunidades Autónomas sobre a aplicación da Lei de Dependencia a data 1 de decembro están dispoñibles na páxina web do Imserso: www.seg-social.es/imserso
40.000 ALTAS NA SEGURIDADE SOCIAL PARA COIDADORES FAMILIARES
Dos beneficiarios que perciben a prestación económica por coidados familiares (109.287, segundo datos das Comunidades Autónomas), un total de 39.792 xa están dados de alta na Seguridade Social, segundo datos facilitados por este organismo a data 2 de decembro de 2008.
Os datos da Seguridade Social sobre altas de coidadores que reciben a prestación económica en virtude da Lei de Dependencia están dispoñibles na páxina web do Imserso: www.seg-social.es//imserso.
INCREMENTO DO FINANCIAMENTO ESTATAL DA LEI DE DEPENDENCIA PARA 2009
O Goberno de España destinará en 2009 ás Comunidades Autónomas 1.158 millóns de euros para a lei de dependencia, un 33% máis que este ano, segundo o proxecto de Lei de Orzamentos Xerais do Estado.
A iso hai que engadir os 400 millóns de euros extraordinarios que achegará o Goberno ás Comunidades Autónomas para dependencia en virtude do Fondo Especial do Estado para o Estímulo da Economía E o Emprego, aprobado recentemente polo Goberno.
