• Bienvenido
• Benvingut
• Benvido
• Ongi etorri

• Mapa do sitio
• Contacte

O MEPSYD e a UNED asinan un convenio para ofrecer formación a profesores

Por un total de 50.400 euros

• A universidade porá en marcha en novembro cinco cursos de master e experto universitario

O Ministerio de Educación Política Social e Deporte (MEPSYD) e a Universidade Nacional de Educación a Distancia (UNED) subscribiron un convenio de colaboración para realizar actividades de formación do profesorado.
O acordo establece que o MEPSYD achegará 50.400 euros que serán destinados a subvencionar parte da matrícula dos profesores que vaian realizar algunha das accións formativas que desenvolverá a UNED.
En concreto, a partir do próximo mes de novembro de 2008 impartiranse os seguintes cursos:

• "Experto Universitario en Educación Viaria para Profesores".
• "Experto Universitario en Diagnóstico e Educación dos Alumnos con Alta Capacidade".
• "Master en Tecnoloxías para a Educación e o Coñecemento".
• "Experto Universitario en Informática Educativa".
• "Master Universitario en Cultura e Violencia de Xénero".

Estes cursos están dirixidos ao profesorado de centros do territorio nacionais sostidos con fondos públicos e na docencia directa que desempeñen o seu labor nas seguintes ensinanzas: educación infantil, educación primaria, educación secundaria obrigatoria, bacharelato, formación profesional, ensinanzas de idiomas, ensinanzas artísticas, ensinanzas deportivas e educación de persoas adultas.
Os criterios que o convenio establece para que un profesor poida acceder a un destes cursos están relacionados coa súa antigüidade como docente.