O prazo para presentar as solicitudes finaliza o vindeiro 21 de xullo
O Ministerio de Educación, Política Social e Deporte puxo en marcha por primeira vez un programa de bolsas destinadas á mellora do dominio do inglés por parte dos futuros mestres de infantil e primaria, que conta cun orzamento de 20 millóns de euros.
En total, convócanse 5000 axudas de 4.000 euros cada para a realización de cursos de lingua inglesa en Australia, Canadá, Estados Unidos de Norteamérica, Malta, Nova Zelandia, Reino Unido e República de Irlanda. Os solicitantes destas bolsas deberán ser alumnos do último curso das ensinanzas conducentes a título de Mestre ou mestres que finalicen a diplomatura nalgún dos últimos catro cursos académicos (2003-04; 2004-05; 2005-06; 2006-07).
Desta maneira, os mestres recibirán a axuda para a estancia e a realización dun curso de perfeccionamento da lingua inglesa de polo menos 12 semanas de duración, cun mínimo de 20 horas lectivas semanais entre o 1 de setembro de 2008 e o 31 de agosto de 2009.
Impulso ao ensino de idiomas
A convocatoria destas bolsas de nova creación enmárcase na atención especial que a Lei Orgánica da Educación presta ao ensino de linguas estranxeiras a través de medidas como a iniciación temperá da aprendizaxe de idiomas na educación infantil, a súa xeneralización en primaria e a inclusión dun segundo de idioma na educación secundaria obrigatoria.
Neste sentido, estas novas axudas permitirán mellorar a formación inicial e permanente do profesorado, factor fundamental para garantir a calidade do ensino e a aprendizaxe de idiomas.
trátase dunha medida que responde, igualmente, ás recomendacións do Consello de Europa para acadar o obxectivo de que o conxunto do alumnado coñeza dúas linguas estranxeiras.
