O ministro de Industria, Turismo e Comercio, Joan Clos, e a ministra de Educación e Ciencia, Mercedes Cabrera, inauguraron hoxe, no Palacio de Congresos de Barcelona, a 2ª Conferencia do VII Programa Marco de I+D de la Unión Europea que se celebra en España.
Dotado cun orzamento de 50.521 millóns de euros para o período 2007-2013, o VII Programa Marco é o principal instrumento de financiamento de proxectos de Investigación, Desenvolvemento Tecnolóxico e Demostración da Unión Europea, e de gran importancia para España.
Ao longo de 2007, o noso país obtivo un retorno de 230,5 millóns de euros, é dicir, un 6,5% do orzamento calculado sobre a UE-27, sendo o volume de recursos captados o 5,9% do total adxudicado pola Comisión Europea. A PEME española recibiron 53,6 millóns de euros, o que supón o 58,8 por cento do diñeiro total adxudicado ás empresas do noso país.
Ata agora foron financiadas 379 entidades españolas, das que 195 son empresas e, destas, 155 PEME. Máis de 365 proxectos e redes de excelencia contan con participación española, das que 56 foron lideradas por entidades do noso país. Por outra banda, unhas 1.300 entidades españolas propuxeron máis de 2.500 propostas de I+D ás distintas convocatorias do VII Programa Marco ao longo de 2007, de que unhas 790 son empresas e, delas, 675 PEME.
No referente á distribución por Comunidades Autónomas, destacan polo seu maior nivel de participación Madrid, Cataluña e o País Vasco, acadando entre as tres Comunidades arredor do 75% dos fondos.
Por prioridades temáticas, os maiores retornos en valor absoluto conseguíronse en Tecnoloxías da Información e Comunicacións – con 74,7 millóns de euros –, así como en Nanotecnologías, Materiais e Produción – con 45,6 millóns de euros –.
No referente á distribución de retornos por tipo de entidade, se se comparan cos resultados obtidos no anterior PM, cabe sinalar que tanto as empresas coma os Centros Tecnolóxicos aumentaron o seu peso nos retornos entre 3 e 5 puntos porcentuais, mentres que as Universidades e os OPIs tamén conseguiron máis fondos, pero viron reducido a súa porcentaxe no total polo excelente comportamento de empresas e centros tecnolóxicos. Estes datos confirman a tendencia da industria a incrementar o seu investimento en I+D+i, en consonancia co obxectivo exposto no programa Euroenxeño.
