• Bienvenido
• Benvingut
• Benvido
• Ongi etorri

• Mapa do sitio
• Contacte

Os ministros do Interior e de Educación e Ciencia entregan os premios 2007 de "Experiencias Pedagóxicas sobre Seguridade en Centros Escolares"

Educación e Seguridade

O ministro do Interior, Alfredo Pérez Rubalcaba, e a ministra de Educación e Ciencia, Mercedes Cabrera, entregaron, na Escola Nacional de Protección Civil, os galardóns correspondentes á primeira edición dos premios "Experiencias Pedagóxicas sobre Seguridade en Centros Escolares". A finalidade dos galardóns é animar á participación do sector educativo no coñecemento real da seguridade cidadá, e recoñecer os traballos ou actividades escolares relacionadas con este campo, esencial para o libre exercicio dos dereitos fundamentais.
Os premios, convocados o 21 de maio de 2007, están dirixidos aos centros escolares de educación infantil, primaria, especial, secundaria obrigatoria, bacharelato e formación profesional. Os galardoados son os seguintes:

1 - Na modalidade de centros públicos de infantil, primaria e educación especial:

• Colexio Puerta de Santa María de Cidade Real, primeiro premio polo seu traballo " Seguridade Viaria para todos", cuxo obxectivo é dotar de autonomía aos alumnos de educación Especial.
• Colexio de San Sebastián del Boalo (Madrid), accésit, polo seu proxecto titulado " Educar en Prevención: un cole seguro"

2 - Na modalidade de centros públicos de educación secundaria obrigatoria, bacharelato e formación profesional:

• Instituto de Educación Secundaria Abdera de Adra (Almería), primeiro premio, cun proxecto sobre: " Seguridade, Prevención e Protección ante emerxencias"
• Instituto Dulce Chacón de La Garrovilla (Badaxoz), accésit polo proxecto "Sen casco non saio"

3 - Na modalidade de centros privados concertados:

• Colexio A nosa Señora dos Infantes de Toledo, primeiro premio polo seu traballo "Sinais de vida: Traficole".
• Colexio La Asunción de Cáceres, accésit polo proxecto "Seguridade Viaria na Escola "

Novo Campo de prácticas da Escola Nacional de Protección Civil

Antes da entrega de premios, Alfredo Pérez Rubalcaba e Mercedes Cabrera visitaron o novo campo de prácticas da Escola Nacional de Protección Civil, situada na localidade madrileña de Rivas-Vaciamadrid

Alí asistiron a unha exhibición de exercicios de salvamento e actuacións rápidas en situacións de emerxencia, en que participaron a Unidade Militar de Emerxencias (UME), os GEAS (Grupo Especial en Actividades Subacuáticas) da Garda Civil, os TEDAX – NRBQ do Corpo Nacional de Policía, o Corpo de Bombeiros da Comunidade de Madrid, a Unidade Especial de Subsolo da Policía Nacional e o Concello de Getafe con cans de salvamento e a Brigada de Salvamento Mineiro.

El Campo de prácticas da Escola Nacional de Protección Civil conta coas seguintes instalacións:

• 3 plataformas de lume en que se simulan estruturas industriais e depósitos de materiais inflamables, para prácticas de loita contra incendios.
• Balsas para prácticas de salvamento acuático: 10.000 m3, profundidade máxima: 7 m.
• Campo de estruturas colapsadas: 7.500 m2, con 240 m de corredores subterráneos, 150 puntos para situar e rescatar vítimas de derrubes, edificios colapsados en 5 niveis con accesos verticais e 100 m2 por planta.
• Campo de escorregamentos do terreo: 5.500 m2.
• Elementos auxiliares: vagóns de tren sobre vías férreas, vehículos accidentados, aulas, vestiarios e almacéns.

El Plan de Formación para 2008, que conta cun orzamento de 750.000 €, formará a preto de 8.000 persoas a través de 232 cursos programados en distintas especialidades.