O obxectivo deste encontro, enmarcado dentro dos actos da Presidencia Española da Unión Europea e do Ano europeo de Loita contra a Pobreza e a Exclusión, é reflexionar sobre a educación como un dos aspectos esenciais para a inclusión social, así como sobre as políticas de inclusión educativa e intercambiar boas prácticas, con especial referencia á atención do alumnado que presenta necesidades educativas especiais.
Do mesmo xeito durante estes dous días perseguirase favorecer o intercambio de experiencias entre os países da Unión Europea e os países Iberoamericanos no ámbito da educación inclusiva e elaborar un documento que poida presentarse ás instancias nacionais e internacionais.
Durante a Conferencia Internacional abordarase a educación inclusiva como aspecto esencial para favorecer a cohesión social, o progreso e a vertebración da sociedade. Así, falarase da calidade e a equidade como principios inspiradores dun sistema educativo inclusivo e analizarase a atención ao alumnado que presenta necesidades educativas especiais con referencia á educación secundaria, educación superior, formación profesional e transición á vida adulta.
