O secretario de Estado de Educación, Mario Bedera, recibiu ao longo do mes de decembro aos secretarios xerais, presidentes e representantes dos principais sindicatos do sector educativo. Durante estes días mantivo encontros coas CCOO, FETE-UGT, CSI.F, ANPE, STEs, FSIE e USO.
Bedera quixo comezar por esta representación do profesorado para iniciar a súa rolda de contactos cos membros da comunidade educativa desde o convencemento de que o profesorado é a pedra angular do sistema. Nas próximas semanas está previstas que se reúne coas patronais do ensino e as asociacións de pais entre outros axentes da educación.
Durante estas reunións o secretario de Estado solicitou o seu apoio e colaboración para levar a cabo todas as accións previstas dentro do Plan de Acción 2010-2011 do Ministerio de Educación. Unhas medidas que contan cun gran consenso dentro da comunidade educativa e que os sindicatos entenderon como prioritarias. Entre elas, cómpre destacar o compromiso arredor da FP, a prevención e loita contra o fracaso e abandono escolar temperán, e o impulso ao plan de linguas.
Ademais, estas reunións serviron para que os representantes sindicais propuxesen as súas inquietudes, liñas de traballo e reivindicacións do sector educativo.
O secretario de Estado comprometeuse a valorar cada unha delas e activar os procesos de diálogo e negociación nos temas expostos. A intención do Ministerio é enmarcar este diálogo sobre as prioridades fixadas coa comunidade educativa nas mesas de traballo que xa están establecidas.
