Este ano convócanse 200 prazas
O vindeiro 27 de decembro finaliza a convocatoria anual de prazas do Ministerio de Educación para traballar como profesor visitante de español en Estados Unidos e o Canadá. Está dirixida a licenciados e mestres españois con bo dominio do idioma inglés oral e escrito. Este ano convócanse 200 prazas.
Para os participantes neste programa, a experiencia ten o aliciente dunha práctica docente nun país cun medio cultural diferente, co que iso supón de desenvolvemento profesional e persoal, factores que sen dúbida incidirán na mellora do ensino nos centros españois a que se incorporen no futuro.
Os obxectivos desta convocatoria de axudas están inseridos en plans máis amplos do Ministerio de Educación encamiñada a favorecer de forma eficaz o ensino das linguas estranxeiras, e concrétanse no Plan Integral de Aprendizaxe de Linguas Estranxeiras. Co devandito plan preténdese promover o plurilingüismo e colocar a competencia en linguas estranxeiras na situación de prioridade demandada pola sociedade española, en consonancia coa dos países do noso medio.
Doutra banda, a convocatoria de prazas para auxiliares de conversación española no exterior ten tamén o prazo aberto ata o vindeiro 3 de xaneiro.
Máis información:
