O ministro de Educación, Ángel Gabilondo, asinou cadanseu convenios co goberno da república de Arxentina e co goberno de Colombia para recoñecemento mutuo de títulos e graos académicos de Educación Superior Universitaria.
Os devanditos convenios asináronse o día 4 de decembro, durante a celebración da XX Cimeira Iberoamericana de Xefes de Estado e de Goberno que se celebrou na cidade arxentina de Mar del Plata e cuxo tema central foi "A educación para a inclusión social"
A comunidade iberoamericana de Nacións fixouse como meta erradicar o analfabetismo antes de 2015, e conseguir que a xeración de 2021 sexa a mellor formada de todos os tempos, o cal inclúe, entre outros obxectivos, asegurar a escolarización de todos os alumnos en educación primaria e secundaria; aumentar o número de mozos que finalizan a educación secundaria superior; potenciar a educación en valores para a cidadanía democrática e lograr que en cada escola haxa polo menos un ordenador por cada 10 nenos.
