O secretario xeral de Universidades, Màrius Rubiralta, recibiu hoxe os membros da Comisión Internacional da Estratexia Universidade 2015, que manterán o seu primeiro encontro entre o 23 e o 24 de novembro en Madrid.
A Comisión Internacional da Estratexia Universidade 2015 está formada por 5 expertos de recoñecido prestixio dados a coñecer polo Ministerio de Educación o pasado mes de setembro. A súa misión é facilitar unha avaliación externa, independente e autorizada dos eixes e accións estratéxicas emprendidas para modernizar as universidades españolas. O presidente da Comisión é Rolf Tarrach, catedrático de Física Teórica da Universidade de Barcelona e ex presidente do Consello Superior de Investigacións Científicas (CSIC).
