Escoite a intervención do ministro de Educación
O ministro de Educación, Ángel Gabilondo, participou esta tarde na clausura do Foro "Ágora América Latina. 100 voces diferentes. Un compromiso común", organizado pola Fundación Internacional e para Iberoamérica de Administración e Políticas Públicas (FIIAPP). Neste marco, Gabilondo pediu máis xustiza para América Latina, ao mesmo tempo que defendeu a necesidade de que exista unha "pluralidade de voces" na rexión.
Durante o acto tamén estiveron presentes o vicepresidente de Colombia, Angelino Garzón, así como o ministro do Interior de Paraguai, Rafael Filizzola, que canda o ministro de Educación española, asistiron á lectura da chamada "Declaración do Prado ". Trátase dun texto final que recolle a necesidade de loitar contra a desigualdade por medio da "democracia como exercicio pleno da cidadanía ".
Máis de cen personalidades do mundo da política, a economía e a cultura iberoamericana debateron durante os dous últimos días sobre a loita contra a desigualdade social e a democracia como ferramenta para atallar ese problema en América Latina.
