Tras o acordo do Consello de Ministros do pasado 23 de xullo
O ministro de Educación, Ángel Gabilondo, fixo hoxe entrega da Gran Cruz da Orde Civil de Afonso X o Sabio a José Antonio Labordeta tal e como acordou o Goberno durante o Consello de Ministros do pasado 23 de xullo como recoñecemento da súa ampla traxectoria e os seus méritos profesionais en diferentes ámbitos da educación e a cultura.
José Antonio Labordeta naceu en 1935 en Zaragoza e conta cunha longa carreira en multitude de ámbitos tendo en conta que este profesor de Instituto foi catedrático, poeta, político, cantautor, escritor e presentador de programas de televisión. É un dos principais referentes da cultura aragonesa.
Durante a entrega tamén estiveron presentes a ministra de Defensa, Carme Chacón, a secretaria de Estado de Educación e Formación Profesional, Eva Almunia, e o presidente de Aragón, Marcelino Iglesias.
A concesión deste galardón realizouse en Zaragoza durante un acto privado.
