Viaxe de dous días a Andalucía para participar en distintos actos educativos
O ministro de Educación, Ángel Gabilondo, realizou durante a pasada fin de semana unha viaxe a Andalucía para participar en distintos actos de contido educativo en Úbeda (Xaén) e Granada. Nesta segunda cidade, o ministro percorreu o sábado día 3 de xullo o Parque de las Ciencias xunto ao conselleiro de Educación da Junta de Andalucía, José Álvarez de la Chica.
O venres 2 de xullo, o ministro presentou o Plan de Acción 2010-2011 en materia educativa dentro do Ciclo "Encontros en Xaén", organizado pola agrupación do PSOE nesta provincia. O sábado, Gabilondo mantivo un encontro co alcalde de Úbeda, Marcelino Sánchez Ruiz, con quen acudiu á Plaza Vázquez de Molina e á Casa Consistorial, para desprazarse despois a Granada.
O ministro reafirmou en Andalucía o seu compromiso coa busca de acordos, asegurando que o Plan de Acción necesita apoios concretos dos grupos parlamentarios e das comunidades autónomas e que o Ministerio traballará activamente para lograros. Tamén expresou a súa confianza en que o partido que gañe as próximas eleccións sexa aquel que pense "nas xeracións futuras".
Imaxes da visita de Gabilondo ao Parque de las Ciencias 
Imaxes das actividades desenvolvidas en Úbeda 
