O ministro de Educación, Ángel Gabilondo, participou no acto de celebración do Día do Español organizado polo Instituto Cervantes. Durante este día a comunidade de hispanofalantes festexa que o español é unha lingua falada por máis de 450 millóns de persoas, e que segue estendendose por todo o mundo. 70 centros que o Instituto Cervantes ten en 42 países dos cinco continentes sumáronse a esta xornada de conmemoración coa realización de máis de 300 actividades culturais durante esta segunda edición do Día do Español.
Durante os actos conmemorativos, Gabilondo afirmou que a súa palabra favorita nesta lingua é "grazas", a cal animou a usar con máis frecuencia. Ademais, subliñou que o castelán é unha lingua "plural, mestiza e aberta, que convive coas demais, é un idioma de acollida e non de imperio".
No acto tamén estivo presente a directora do Instituto Cervantes, Carmen Caffarel.
