O ministro de Educación, Ángel Gabilondo, presidiu esta mañá a Conferencia Sectorial de Educación, con participación dos representantes de todas as comunidades autónomas.
O ministro presentou unha Proposta de Programas de Cooperación Territorial 2010-2011, dotada con 510 millóns de euros, que aglutina as actuacións que o Ministerio de Educación desexa emprender para o curso que vén, en cooperación coas comunidades autónomas, co obxectivo de acadar os obxectivos educativos que se identificaron como prioritarios para a próxima década.
