O ministro de Educación, Ángel Gabilondo, presidiu hoxe a reunión do Comité para a definición do Marco Español de Cualificacións para a Educación Superior (MECES), órgano que pretende informar a sociedade e os estudantes sobre cales son as esixencias de aprendizaxe de cada nivel, así como aos empregadores sobre cales son as correspondentes competencias de quen van ser empregados.
Durante o encontro presentouse un informe que recolle os traballos realizados polo Comité ata o momento, ademais dun plan de traballo que servirá de base para futuras actuacións do Ministerio. Entre os obxectivos fixados destacan: o desenvolvemento do Marco de Cualificaciones e conseguir a rápida e completa adecuación do noso sistema universitario ao Espazo Europeo de Educación Superior.
