A Fundación Arquitectura y Sociedad convocou un programa de 45 axudas para asistir o Congreso Internacional "Arquitectura: máis por menos", que se celebrará entre o 9 e o 11 de xuño de 2010 no Palacio de Congresos e Auditorio Baluarte de Pamplona co apoio do Ministerio de Educación.
As 45 axudas diríxense a arquitectos titulados nos últimos cinco anos, a estudantes dos dous últimos cursos de licenciatura ou de grao e a estudantes de master ou doutoramento de disciplinas relacionadas cos fins e contidos do Congreso, preferentemente de Arquitectura, Socioloxía, Economía, Xornalismo, Humanidades, Enxeñarías ou Belas Artes.
